kutsara’t tinidor

“Matagal na panahon ko ng nararamdaman ang emosyon na ito, subalit kelan ko  lang nalaman na hindi pala ito perpekto.”

…

…

…

…

Naiwan na ako ng huling byahe,

konti nalang din ang taong pumaparoo’t parito sa aking harapan

Malamig na ang paligid at mula sa langit ay pumatak ang malakas na ulan..

Narinig ko ang tunog mula sa aking sikmura, kinapa ko ang bulsa ko…ngunit puro papel lang ang nadukot ko, kinapa ko ang aking bag…ngunit hindi pamatid – gutom ang aking nakita…bagkus ay isang baluktot na tinidor at kutsara…

Unti – unti nang tumatahimik ang paligid ngunit maingay pa rin ang aking sistema…

Hinawakan ko nalang nang mahigpit ang dalawang bagay na iyon..dahil tama nga sila, wala ng silbi ang dalawang bagay na wala ng nararamdaman para sa isa’t – isa.

P.S

Ako nga pala ang isa sa mga guest blogger ni eli —ako si ellieshe

Medyo matatagalan pa konti bago siya makabalik.. pero malay natin, andyan lang naman yun sa tabi – tabi..hehe..naeexcite na ako sa surprise comeback..haha tama ba?

Tagu Taguan Boom, Taya!

Sa larong taguan, maliwanag ang buwan..

Magbibilang,

Maghahanap.

Maghihintay,

Maghahagilap.

Laro kung saan magtatago sa lalim ng gabi.

Pagkatapos ng hapunan, may tambayan na nagaganap sa ilalim ng posteng patay sindi ang ilaw na nagsisilbing kabaret ng mga batang nasa lansangan. Mag-uusap usap ang grupo, ang edad ay nasa pito hanggang labindalawang gulang, ng tungkol sa buwan. May makakaisip na takutin ang mga nakababatang miyembro ng barkadahan. Ngunit babalik ang kanilang usapan tungkol sa buwan–ang hinihiram nitong liwanag mula sa kung saan at ang mga bituin na tinatabunan ng ulap. Itinuro ng pinakamatandang miyembro ang isang maliwanag na tala at tinawag niya itong Benus. Matatahimik ang buong barkada habang nakatitig sa langit.

Tatamlay ang ilaw ng poste.

At babalutin ng ulap ang bituin kasama na ang tala na binansagang Benus. Kasabay ng pagbalot ng dilim ang hudyat ng isang larong nakagisnan ng mga bata sa lansangan.

Tagutaguan maliwanag ang buwan, pagbilang kong.. nakatago na kayo!

Simula na ng paghahanap. Nakita niya ang mga paggalaw ng puno at isinigaw ang ‘Boom’ at lumabas ang dalawang bata. Nakita niya ang mga matang nakasilip sa bakod, at muli ay isinigaw niya ang mahiwagang salita at lumabas ang dalawa pa ulit. Nakita niya ang nagtatakbuhang kaibigan at isinigaw niya ang salitang makakapagpatigil dito. Maya maya ay nakita niya ang isang anino na humakbang sa di kalayuan.

Binanggit niya ang mahiwagang salita ngunit hindi ito lumabas. Inulit niya ang salitang ‘Boom’ ngunit ang tanging nagpakita ay ang buwan matapos itong itago ng ulap.. sa pagdungaw ng mga bituin, ang anino na kanina lamang na humakbang ay naglaho na.

Ganito ang larong tagutaguan. May mga bagay na nagtatago na kailangan mong hanapin. Ang tanging pinanghahawakan mo lamang ay ang liwanag ng buwan.

—

OT: May kaibigan at kalaro ako na ang pangalan ay Pag-Ibig. Tuwing maglalaro ng tagu taguan at nagkataong ako ang taya, at kung mahanap ko siya, sisigaw ako ng “Boom, Pag-Ibig, nakita na kita!” Weird.

Isa pang OT: Yay, di po ako si Kuya Eli. Hehe. Si Ax Realm po ito!

eto pa OT: Medyo palaboy-laboy lang si Kuya Eli! Pagbalik niya may hatid siyang magandang balita! Hm, oo, magandang balita yun kaya kami muna ang bahala dito! Hehe.

langit at lupa

Isang anghel mula sa langit

ito ang lupa

Kapag masaya tayo bukambibig natin ang Langit.
“Hayyyy para kong nasa Langit..”
“Ale, nasa langit na ba ako??”

Ano bang meron sa langit?

Mga nag-gagandahang anghel, paraiso, payapang kapaligiran, walang hanggang kaligayahan. Pero pano mo naman nasabi eh di ka pa nakakarating doon? Habang nangangarap tayo na tayo ay nasa langit, maaliwalas ang pakiramdam. Pero kelangan nating bumalik sa realidad pagkatapos ng ilang minuto. Bawal magtagal sa langit.

Dumako tayo sa lupa.

Sa lupa lagi kang taya . Lagi kang may hawak na responsibilidad. Sa lupa maraming problema. Maraming pagsubok. Diba gusto natin palagi na may tinutungtungan o kaya ay nasa isang mataas na lugar? Habang nasa lupa ka tandaan mo lang ang isa sa pinaka importanteng rule:

“Tumakbo ka lang ng tumakbo ng deretso,
maaari kang lumiko pero
huwag na huwag kang tatakbo ng paatras.”

Langit, Lupa, Impyerno, Im – Im – Impyerno. Saksak puso tulo ang dugo….
O sumampa ka na sa upuan para hindi ka mataya. Ang bilis pa naman naming magtakbuhan.

ikaw anong interpretasyon mo sa larong ito? at sino nagpauso nito?

Teka bat naligaw ako dito? Ang bilis nya kasing tumakbo-
Tinaya ako ni pareng Eli. Hahahahaaha
http://jasonhamster.wordpress.com

Walang pamagat

Hesitance

Synthetic world

haaay buhay

in the beginning/ digital graphics

Si eli, si busyok at ang libreng pangarap

pantawid gutom

title: pantawid gutom/ medium: digital graphics

sa panahon natin ngayon, usong-uso na ang instant pantawid gutom. ‘yon bang bubuhusan mo nalang ng mainit na tubig at maiibsan na nito ang pagkalam ng sikmura.

.

.