comics #3:Busyok’s Halloween Special

WALANG TAKUTAN!

bak 2 skul

Si Elyong, nagpapakuha ng school ID.

Ngayon ko lang DIN nadiskubre, si Elyong pala ay kaapuapuhan sa tuhod ni Crisostomo Ibarra at ni Maria Clara. !
Syempre, imbento lang yan.! Seykreyt lang to ha walang sumbungan sa NHI.

trak-trakan

ang trak-trakan ko (medium: digital graphics)

kapitan pinoy

Isang araw, nagpupulong-pulong ang mga alagad ng kabutihan:

Tinig 1: Nagkakatipon tayong lahat ngayon upang pag-usapan ang pagsali sa ating samahan ng isang bata.
Tinig 2: Isang bata?! (mataas ang boses, puno ng pag-aalinlangan at parang gusto nitong tumutol)
Tinig 1: Bata man ay may karapatan ding labanan ang kasamaan!
Tinig 3 : Oo, bakit natin aalisin ang karapatan iyon sa isang bata? (nakisabad lang)

Biglang nagbulong-bulungan ang mga iba pang superhero sa paligid. Nagpalitan muna ng kuro-kuro at sabay-sabay na nagtanong, “Sino ang batang iyon?”

blographics: WAN yer old na!

Mahaba-habang sanaysayin ito. pero pagbigyan n’yo na ako..birthday ko naman. hehe

Ang bilis ng panahon, parang kailan lang, nag-iisip pa ako kung saan ako maglalagay ng blog—multiply, blogger, friendster o wordpress.

Sa totoo lang, pangatlong try kong mag-blog ang blographics. una, pusanggala.i.ph (nakaapat na post naman yta ako) at pangalawa, pilosopotasyo sa freewebs na matapos kong ilagay yong header at isulat ang about me ay nilayasan ko na ito. Paglipat ko, isasama ko sana si pilosopo tasyo –para pinoy na pinoy ang dating–kaso nagbago ang isip ko. gusto ko sanang mag-imbento ng mga kwento noong panahon ni pilosopo tasyo, at kung ano at sino na si pilosopo tasyo sa mga panahong ito. Matapos kong isipin ang buong konsepto ng blog…para akong binangungot—mukhang madugo at sersoyong pagsusulat ang papasukin ko! at isa pa..hindi naman talaga ako nagsusulat kaya siguro nagpapanggap lang ako nung planuhin ko yun. Gang sa naisip ko, ‘kung ano ang meron ako…yun nalang ang i-blog ko!” At isinilang ang blographics.

Nung una, wala akong pakialam kung may titingin sa blog na ito o wala, basta inilagay ko lang yong mga artworks (digital at manual) ko pati yong ibang ‘past projects’ ko sa pagdi-design naipost ko rin dito. . Hindi nagtagal, naisipan kong maglagay ng kaunting description para naman magka-idea yong viewer ko.

Dumating yong time na pakiramdam ko masyado naman yatang loner tong blog ko..walang kaibigan, walang kaba-blog-kada! kaya hayun, nagbasa-basa ako ng ilang tips sa pagba-blog. Namasyal ako at naki-comment sa blog ng may blog! Nakita ko na lamang na may dumadalaw na pala galing sa mga pinasyalan kong blog at may kasama pang ganito “pa-x-link naman, na-add na kita!” Ganun pala, kung gusto mong dalawin ang blog mo, matuto kang dumalaw sa blog ng iba! Aha, buhay na buhay pala ang diwa ng bayanihan sa blogging world!