comics #4: Pasko

Bawal ang kuripot ngayong pasko!

Maligayang Pasko po!

.

.

.

narito ang iba pang comics na makikita sa blog na ito. paki-click lang po

lakbay turo (3)

Narito ang mga nauna kong post tungkol sa aming lakbay turo: lakbay turo 1 at lakba turo 2

…

Upang makita at matutunan ng mga bata ang tamang paraan ng pagpipinta ay nag-demo si Bro. Tolitz (ang kanyang mga gawa ay makikita sa www.amangpintor.net). Sa demo na ito makikita kung alin ang dapat unahin kung magpipinta ng isang landscape at ganun din ang paghahalo ng pintura para makabuo ng ibat’ ibang kulay.

Habang nagde-demo ay halatang manghang-mangha ang mga bata sa ganda ng ipinipinta ni Bro. Tolitz. Lahat sila sa iisang bagay lang nakatuon ang pansin—sa ginagawang painting.

Lakbay turo(2)

Matapos ang mahaba habang biyahe at tanungan (dahil hindi namin alam ‘yong pupuntahan namin) ay nakarating din kami sa O’ Donnel High School sa Capas, Tarlac at natuwa kami dahil sa halatang pinaghandaan nila ang pagdating namin.

Nakita rin namin ang tuwa sa mukha ng mga estudyanteng naroroon at handa nang makinig sa aming mga lecture kaya naman pati kami ay excited na rin sa nasabing workshop.

lakbay turo

Noong nakaraang sabado ay nakarating kami ng O’ Donnell High School sa Capas, Tarlac dahil naimbitahan ang grupo namin sa isang ‘ART workshop’.

Pero bago yan, biyernes ng gabi ay nagkaroon ako ng pagkakataon na masaksihan ang Awards Night ng ESIHAS o 2009 Esihas 4th Digital Film Festival na ginanap sa Cinema 3 ng Mega Center The Mall sa Cabanatuan City. Sa totoo lang, aliw na aliw ako (bagamat hindi ko napanood lahat ng mga entry sa nasabing paligsahan) dahil sa nakakatuwang isipin na may ganitong uri ng paligsahan kung saan ay maaaring mapagyaman ng mga kalahok ang kanilang talento sa pag-arte at paggawa ng mga makabuluhang dokumentaryo at pelikula. Ang Esihas ay isang Digital Film Festival na kung saan ang mga kalahok ay mga guro at estudyante ng Elementarya at High School sa Nueva Ecija. Ayon sa mga organizer, ang ganitong uri ng paligsahan na pinangungunahan ng DepEd ay dito lamang isinasagawa sa lalawigan ng Nueva Ecija kaya naman excited akong ibalita ito sa inyo (kase nga po, novo ecijano ako!). Maaari n’yong mapanood ‘yong mga gawa ng bawat kalahok sa http://www.esihas.com.

Hiyawan ang lahat sa tuwing tatawagin ang mga nagkamit ng parangal mula minor hanggang sa major awards. Lalong lalo na nung i-announce ‘yong mga nagwagi sa best actor, best actress at best film! Umalingawngaw ang paligid at damang dama ang pananabik ng bawat naroon. Oh ha parang MMFF diba? “…And the Esihas goes to…… !” (para sa kompletong listahan ng mga nagsipagwagi, paki-bisita na lamang ang website ng esihas.

Ang Aming Daan

Unang araw ng Nobyembre, umuwi ako sa amin. Mismong araw ng undas ay nagbyahe ako mula Nueva Vizcaya papuntang Nueva Ecija—ang aming probinsiya. Hindi naman problema ang sasakyan kapag galing ng norte kahit pa panahon ng bakasyon o uwian. Kase ang siksikan lang naman ay ang mga bus na galing Manila. Naka-counterflow ako sa dagsa ng pasahero.

Pagkatapos ng halos apat na oras na biyahe ng bus ay nakarating ako ng Cabanatuan City. Mula dito ay kailangan ko pang sumakay ng mini-bus (1 oras na byahe uli) para makarating sa bayan namin—sa bayan ng Bongabon. Pagkarating ng bayan ng Bongabon, kailangan ko pang sumakay ng tricycle para makarating sa barangay namin. Pero dahil sa undas nga noon, sa sementeryo na ako dumeretso.

Pagdating ng sementeryo nadatnan ko dun ‘yong mga pamangkin ko. “Asan si nanay?”, naitanong ko sa isa kong pamangkin. At doon ko naintindihan na pinili na lamang niyang mag-stay sa bahay namin.

Pagkaraan ng halos isang oras na pag-stay sa sementeryo, umuwi na kami.

Habang nasa daan pauwi ay naalala ko ‘yong elementary life ko. Ito ay dahil sa mga sumusunod na larawan. Gusto kong ipakita ang mga larawang ito hindi para magreklamo (wala din naman akong mapapala kapag ginawa ko ‘yon) o ipakita ang kawalang pakialam ng mga nanunungkulan sa lugar namin (sus) kundi para higit ninyong maunawaan ‘yong nilalaman ng kwento ko tungkol sa karanasan ko sa pagdaan ko sa kalsadang ito (~_^).

comics #3:Busyok’s Halloween Special

WALANG TAKUTAN!

Sketch: Iba’t ibang mukha ng kalikasan

Kagabi, nagkaroon ako ng pagkakataon para mag-sketch bago matulog at ngayon ay gusto kong i-share sa inyo ang mga ito.

Mukha ng kalikasan 1