Kalawang. Kadalasan, negatibo ang dating sa atin ng salitang ito dahil nagpapahiwatig ito ng pagkasira, kalumaan o kawalang silbi pero hindi yan ang paniniwala ni Ramon Lopez.

Si Ramon ang kinikilala ngayong kauna-unahang ‘RUST PAINTER’ [dito sa Pilipinas] o pintor na gumagamit ng kalawang sa kanyang mga obra sa halip na pintura. Kakaiba diba?

Gusto ni Ramon na  makilala siya sa kanyang kakaibang estilo sa paggawa ng mga obra kaya naman naisipan niyang mag-eksperimento. Dito nga niya natuklasan na pwede palang gumawa ng magagandang obra gamit ang kalawang.

Dahil sa kanyang mga kakaibang obra si Ramon ay unti-unti nang nakikilala ngayon. Sa katunayan, ilang beses nang naipalabas sa TV ang ilang mga panayam tungkol sa kanya. Kabilang na dito ang pagka-feature niya sa programang Unang Hirit ng GMA 7.

Isinilang siya sa San Jose City, Nueva Ecija noong 1983 buwan ng Pebrero. Bata pa ay mahilig na siyang magpinta. Isa siyang aktibong kasapi ng Samahang Makasining, Inc. [San Jose Chapter].

Narito ang ilan sa kanyang mga obra gamit ang kalawang.

Anong masasabi n’yo?

Makikita ang iba pang obrang kalawang ni Ramon sa kanyang Facebook account.

————

* Ang lehitimong pangalan ngayon ng samahan na nakatala sa Securities and Exchange Commission (SEC) ay ARTISTCLUB PHILIPPINES, INC.